Ispaniya De la Fuente bilan yangi shartnoma bo‘yicha muzokaralarni yakunlamoqda

Ispaniya terma jamoasi bosh murabbiyi Luis de la Fuente yaqin vaqt ichida milliy jamoa bilan shartnomasini uzaytirishi kutilmoqda.

The Athletic xabariga ko‘ra, tomonlar o‘rtasidagi muzokaralar qariyb ikki oydan beri davom etmoqda va hozir yakuniy bosqichga kirgan.

65 yoshli mutaxassisning amaldagi shartnomasi Yevro-2028 yakuniga qadar mo‘ljallangan. Yangi kelishuv esa 2030 yilgi jahon chempionati oxirigacha amal qilishi kutilmoqda.

Luis de la Fuente Ispaniya terma jamoasini 2024 yilgi Yevropa chempionati va 2026 yilgi jahon chempionatida g‘oliblik sari yetaklagan.

Ispaniya terma jamoasi navbatdagi uchrashuvini 26 sentyabr, shanba kuni Millatlar ligasi doirasida safarda Angliyaga qarshi o‘tkazadi.

Manba: stadion.uz