Eberl: «Urbig Noyerning o‘rnini bemalol bosa oladi»

«Bavariya» sport bo‘limi rahbari Maks Eberl darvozabon Yonas Urbigning istiqbollari haqida fikr bildirdi.

23 yoshli darvozabon hozircha Manuel Noyerning o‘rinbosari hisoblanadi, ammo kelasi mavsumdan boshlab Myunxen klubining asosiy darvozaboniga aylanishi kutilmoqda.

— Kelajakda Urbigni Germaniya terma jamoasining asosiy darvozaboni sifatida ko‘ryapsizmi?

— Buni men hal qilmayman. Biz Yonasning salohiyati juda yuqori, deb hisoblaymiz va uni «Bavariya»da Noyerning vorisi sifatida tasavvur qila olamiz. U Manueldan o‘rganishda davom etadi. Men unda Germaniya terma jamoasining bo‘lajak darvozabonini aniq ko‘ryapman, ammo qachon va qanday maqomda bo‘lishini ayta olmayman, — dedi Eberl.

Yonas Urbig hozirgacha Germaniya milliy terma jamoasi safida debyut qilmagan.

Manba: stadion.uz