Pulishich: «Dortmunddagi birinchi yil hayotimdagi eng qiyini bo‘lgan»

Amerikalik yarim himoyachi Kristian Pulishich Germaniya chempionatidagi faoliyatini, xususan, Dortmundning «Borussiya» jamoasi sharafini himoya qilgan davrlarini yodga oldi. Uning so‘zlariga ko‘ra, o‘sha davr faoliyatidagi eng murakkabi bo‘lib chiqqan.

«Men Dortmundda professional futbolchiga aylandim va boshida bu men uchun juda og‘ir kechgan. U yerdagi birinchi yil butun faoliyatim davomidagi eng qiyini bo‘ldi. Hatto jamoadoshlarim ataylab mening ishlarim yurishib ketishini xohlashmayapti, deb o‘ylaganman», — deya Pulishichning so‘zlarini keltiradi pianetamilan.it nashri.

Eslatib o‘tamiz, hozirda Kristian Pulishich Italiya Seriya A chempionatida «Milan» sharafini himoya qilmoqda.

Manba: stadion.uz