"Manchester Yunayted" "Old Trafford" maysazori boʻlaklarini 145 evrodan sotishni boshladi

Bu haqda mankunianliklarning rasmiy saytida xabar berildi.

Klub OAV ma'lumotlariga koʻra, iyun oyida stadion maydoni 14 yil ichida ilk bor poydevorigacha toʻliq kavlab olingan. Maysazorning ayrim qismlari tuprogʻi bilan birga saqlab qolingan va shaffof shisha kublarga joylashtirilgan. Abonement egalariga ushbu suvenirni sotib olish uchun eksklyuziv erta foydalanish huquqi berildi.

Avvalroq "Manchester Yunayted"ning qarzlari taxminan 1,6 mlrd funtni (1,856 mlrd evro) tashkil etishi haqida xabar berilgan edi.

APLning beshta oʻyinida mankunianliklar besh ochko jamgʻarishdi, jamoa turnir jadvalida 12-oʻrinni egallab turibdi.

Manba: championat.asia