"Man Siti" futbolchilarning imij huquqlarini sotishda nayranglar ishlatgan

Oʻtgan haftada "shaharliklar" APLning moliyaviy qoidalarini buzish boʻyicha deyarli barcha ayblovlar boʻyicha aybdor deb topilgani haqida ma'lumot paydo boʻldi — faqat bittasidan tashqari. 2023 yilning fevral oyida APL "Siti"ni 2009 yildan 2018 yilgacha boʻlgan davrda moliyaviy qoidalarning 115 ta turli buzilishida ayblagan edi. Keyinchalik The Times gazetasi gap 115 ta emas, balki 130 ta qoidabuzarlik haqida ketayotganini xabar qildi: Premer-liga endigina ayblovlarni e'lon qilganida, ba'zi qoidalar boʻyicha chalkashlik yuzaga kelgan edi.

Kecha APL klub barcha ayblovlar boʻyicha aybdor deb topilganini ma'lum qildi.

— 2012 yilning uchinchi choragida klub Longbow deb nomlangan loyihani ishga tushirdi. Biz klubning Longbow koʻp tarmoqli loyiha boʻlgani, uning maqsadi klub oʻz daromadlarini qanday oshirishi va operatsion zararlarni qanday kamaytirishi mumkinligini oʻrganish boʻlgani haqidagi izohini qabul qilamiz. Longbow loyihasining koʻplab yoʻnalishlari ushbu maqsadlarga erishishning halol, qonuniy urinishlari edi. Ulardan biri esa bunday emas edi — bu Fordham bilan tuzilgan shartnoma, — deyiladi komissiya qarorida.

Verdiktga koʻra, "Manchester Siti" klubga egalik qiluvchi Abu Dhabi United Group (ADUG) kompaniyasi uchun shunchaki "niqob" boʻlgan Fordham kompaniyasi bilan shartnoma tuzgan.

Komissiya "shaharliklar" Fordham'ga futbolchilarning imij huquqlarini sun'iy ravishda oshirilgan narxda sotgan degan xulosaga keldi — bitimlarni rasmiylashtirish uchun Abu Dhabi United Group mablagʻlaridan foydalanilgan.

Bundan tashqari, Fordham goʻyoki oʻz imij huquqlarini "Manchester Siti"ga topshirgan futbolchilarga toʻlovlarni amalga oshirgan, vaholanki, aslida oʻyinchilarga klub egalari toʻlov qilishgan.

Shu tariqa, Fordham bilan tuzilgan shartnoma ADUG'ga "Manchester Siti" hisobvaraqlariga ularning haqiqiy kelib chiqishini yashirgan holda operatsion daromad niqobi ostida qoʻshimcha mablagʻlar kiritish, shuningdek, deklaratsiyalardan sportchilarning imij huquqlari bilan bogʻliq xarajatlar haqidagi ma'lumotlarni chiqarib tashlash imkonini bergan.

Natijada, soxta shartnoma tufayli daromadlar 24,5 mln funtga oshirib koʻrsatilgan, xarajatlar esa 49,414 mln funtga kamaytirib koʻrsatilgan.

Manba: championat.asia