Blatter UEFAni qoʻllab-quvvatladi: "Texnologiyalar hakamni almashtirish uchun emas, unga yordam berish uchun kerak"

Evropa futbol assotsiatsiyalari ittifoqi VARdan foydalanish boʻyicha tavsiyalar berilgan Clear Line platformasini ishga tushirdi: "Bizga xarakteri bor hakamlar kerak. Videoassistent oʻyinni boshqarmaydi, faqat aniq xatolarda yordam beradi". UEFA hakamlar korpusi rahbari Roberto Rozetti quyidagilarga aniqlik kiritdi: "Biz mikroskopik vaziyatlarda aralashishdan qochishni xohlaymiz – bu futbol, PlayStation emas. Ular faqat yaqqol xatolarda kerak".

"Bosh hakam maydonda yagona obroʻ egasi boʻlib qolishi kerak. Men UEFAning hakamning oʻyin vaqtidagi qarorlar uchun mas'uliyati va obroʻsini tiklash haqidagi chaqirigʻini toʻliq qoʻllab-quvvatlayman. VAR faqat yaqqol va hal qiluvchi xatolar sodir boʻlgan hollarda aralashishi kerak. Futboldagi texnologiyalar hakamni almashtirish uchun emas, unga yordam berish uchun kerak", – deb yozdi 90 yoshli shveytsariyalik.

Manba: championat.asia