“Atletiko” Alvares atrofidagi vaziyat sabab “Barselona” ustidan RFEF’ga shikoyat qildi

Bu haqda “Marca” nashri xabar bermoqda.

“Atletiko” kataloniyaliklarni hujumchi Xulian Alvaresni safiga qoʻshib olishga boʻlgan urinishlarida noetik xatti-harakatlar qilganlikda ayblamoqda. 26 yoshli argentinalik futbolchining “matraschilar” bilan amaldagi shartnomasi 2030 yilgacha moʻljallangan boʻlsa-da, u La Ligadagi transfer nizolarining bosh qahramoniga aylandi.

Futbolchining oʻzi Jahon chempionati vaqtidayoq “Atletiko”ni tark etish istagi borligini oshkora bildirgandi. May oyida “Barselona” ehtimoliy transferni muhokama qilgan va hujumchi uchun taxminan 100 million evro taklif qilishni rejalashtirgandi. Bunga madridliklar ijtimoiy tarmoqlarda xabarlarga ishonmaslikka chaqiruvchi hajviy post bilan javob qaytarishgan. Nizoga qaramay, kataloniyaliklar Alvaresga boʻlgan qiziqishni saqlab qolishmoqda va yangi soʻrov tayyorlamoqda, “Barselona” esa berilgan shikoyatga apellyatsiya bilan javob qaytarishni rejalashtirmoqda.

Ushbu vaziyatda 10 avgust kuni asosiy burilish nuqtasi boʻladi, aynan shu kuni Xulian Alvares “Atletiko” Madridning mavsumoldi tayyorgarligiga etib kelishi kerak. Uning qaytishi futbolchining pozitsiyasini birinchi manbadan bilib olish imkonini beradi.

Manba: championat.asia