Сергей Ташуев: “Ўзбекистон финалга чиқса қувонган бўлардик. Бу ҳаётда ҳамма нарса бўлиши мумкин”

Қолаверса, бу борада кўпчилик ва шу жумладан хорижий мутахассислар ҳам Фабио Каннаваро бошчилигидаги бош жамоамиз тўғрисида ўз фикр ва мулоҳазаларини билдиришда давом етмоқдалар. Бу албатта ўзига яраша қизиқ. Россия футболи жамоатчилиги томонидан ҳам тез-тез кўзга кўринган мутахассисларнинг билдираётган муносабатларига кўзимиз тушиб қолади. Бу борада еса ўзимиз ҳаракат қилиб, бевосита россиялик мутахассис билан боғландик. Жумладан, ҳозирда Россия биринчи дивизион иштирокчиси саналган “Енисей” клубига бош мураббийлик қилиб келаётган тажрибали Сергей Ташуев саволларимизга жавоб қайтаришга розилик билдирди. - Сергей Абуезидович, ушбу интервюга розилик берганингиз учун ташаккур. Биламизки, сиз айни пайтда Россия биринчи дивизион иштирокчиси – “Енисей” клуби бош мураббийисиз. Айтинг-чи, у ердаги ишларингиз қандай?- Албатта, “Енисей”да ўзимни яхши ҳис қиляпман. Мухлисларнинг ишончи ва муҳит менга маъқул келяпти. Яхши натижаларга еришишимиз учун ҳали кўп ишлашимиз керак. Ўйин ташкил қилиш, вазиятни ўзгартириш ва жамоани янада шакллантириш бўйича бир қатор ишларни амалга оширяпмиз. Олдинга интилиш асосий режамиз. Минскда ёзги йиғинни ўтказмоқчимиз ва ўзбек клубига қарши ўйин ўтказишимиз ҳам мумкин.- Енди асосий мавзуга ўтсак. Сиз билан жаҳон чемпионати ҳақида гаплашмоқчиман. Мундиалда қайси терма жамоаларга мухлислик қиласиз?- Жаҳон чемпионати ҳақида гапирганда бир қатор терма жамоалар қатори табиийки, Ўзбекистонга ҳам мухлислик қиламан. Ўзбек футболчиларини яхши биламан. Ўз вақтида Миржалол Қосимовни Самарадаги ўйинлари орқали жуда яхши танирдим. Шунингдек, Сергей Лушанни ҳам биламан. Ҳозирги авлод футболчилари ҳам ажойиб. Елдор Шомуродов, Аббос Файзуллаевни айтишим мумкин. Уни айниқса, “Факел”га қарши ўйинларини яхши еслайман. Албатта, “Манчестер Сити”да ўйнаётган ҳимоячи Абдуқодир Ҳусановни тилга олиш лозим. Уни “Енергетик БГУ”да ўйнаганини билардим. Ўшанда у ёшгина йигитча еди. Ўз вақтида мени жамоам “Енергетик БГУ”га қарши ўйнаган. Биз 1:0 га ютгандик. Ўша учрашувда ўзбек йигити ёмон ўйин кўрсатмаган. Ўшанда у бизга қарши ўйнаганди, ҳозир еса “Манчестер Сити”да (кулади). Абдуқодирга кейинги фаолиятида ҳам омад тилайман.- Ўзбекистон миллий терма жамоамиз ўз тарихида илк бор жаҳон чемпионатида иштирок етади. Маълумки, сиз ўзбек футболини Собиқ иттифоқ давридан бери биласиз. Ўзбекистоннинг мундиалда иштирок етиши сиз учун нимани англатади?- Ўз вақтида Тошкентда бир неча бор бўлганмиз ва Қибрайда, кейин адашмасам Чирчиқда йиғинлар ўтказганмиз. Ўзбек футболини биламан. Ўша пайтда Валерий Кечинов ёш еди ва уни яхши танирдим. Иқтидорли бола еди. “Пахтакор”ни, айниқса, 1979 йилда ҳалокатга учраган жамоани яхши еслайман. Ан, Фёдоров ва яна бошқалар ўзбек футболини енг ёрқин футболчиларидан еди. Шуни аниқ айта оламанки, доим сизларда иқтидорли ўйинчилар бўлган. МДҲдан фақат Ўзбекистон жаҳон чемпионатига чиқди ва барча қатори мен ҳам албатта терма жамоангизга ишқибозлик қиламан. - Миллий термамиз Фабио Каннаварога ишониб топширилганини яхши биласиз. Сизнингча, италиялик мутахассис терма жамоамиз билан сюрприз кўрсата оладими?- Каннаваро ўз вақтида ажойиб ҳимоячи бўлган. Фабио бежизга жаҳоннинг енг яхши футболчиси бўлмаган. Италиянинг енг кучли марказий ҳимоячиси еди. Айнан ўзининг ёрқин ўйинлари туфайли дунёдаги енг зўр футболчига айлана олган. Ўйлайманки, унинг бошчилигидаги Ўзбекистон ҳимояда тартибли ўйин кўрсатади. Мен яхши натижалар кутяпман. Ҳужумда ҳам жамоанинг имкониятларини ёмон деб бўлмайди. Назаримда, Каннаваро бир қатор тактик янгиликларга қўл урса керак. Ҳимояни мустаҳкамлаган ҳолда ҳужумлардан оқилона фойдалана олиши жуда муҳим. Шунда кўзлаган мақсадга ериша олади. Айниқса, қарши ҳужумлардан унумли фойдаланишлари керак. Бунинг учун ўзига хос тактикалар тузиш лозим. Менимча, буни уддаласа керак. Жамоани ҳимояси мустаҳкам бўлса, ҳужумлар ҳам самарали чиқади.- Колумбия, Португалия ва Конго Ўзбекистон билан бир гуруҳда. Нима деб ўйлайсиз, бу “ўлим гуруҳи”ми ва ундан вакилларимиз “соғ-омон” кейинги босқичга чиқа оладими?- Албатта, гуруҳ жуда қийин. Лекин шундай бўлса-да, сен жаҳон чемпионатининг финал қисмига чиқдингми, демак гуруҳда ҳеч кимдан қўрқмаслигинг керак. Рақибни тўғри ўрганиш, уни кучли ва кучсиз томонларини тўғри баҳолай олиш натижага еришишда катта рол ўйнайди. Мен кўплаб Россия ва Украина клубларида тўп тепганман. Ўйинлар давомида рақибларни кучли ва кучсиз жиҳатларини ўрганиб, таҳлил қилардик ва шунга қараб ўйин тактикасини тузиб чиқардик. Ўзбекистон ҳам рақибни тўғри баҳолаб, ҳар тарафлама ўрганиб, шунга яраша ўйин ташкил қилиши муҳим. “Шахтёр”, “Динамо Киев”, “Днепр”, “Металлист” сингари кучли клублар сафидаги етук футболчилар ўйнаган ҳамда рақибни яхши ўрганиб чиқиб, уларга етарлича қаршилик кўрсатишарди. Улар доимо рақибни кучини тўғри тақсимлаб шунга қараб ўйин кўрсатишарди. Вақтида прессинг қилардик, ўз вақтида ҳимояланардик. Буларнинг барчаси рақибни ўрганиш билан боғлиқ жараёнлар еди. Айтмоқчиманки, рақибни яхши ўрганиш жуда муҳим. Босим билан агрессив футбол кўрсатардик. Ҳеч кимдан қўрқмасдан кучли ўйин кўрсатиш ҳаракатида бўлавериш керак. - Яна бир жиҳатга алоҳида еътибор қаратиш керакки, Ўзбекистон нафақат Марказий Осиёда, балки МДҲ мамлакатлари орасида ҳам жаҳон чемпионатида ягона вакил сифатида қатнашади. Хўш, Россияда терма жамоамизнинг бўлажак иштироки борасида қандай фикрлар билдиришмоқда?- Албатта, осиёликлар, шунингдек ён қўшнилар - Қозоғистон, Тожикистон, Қирғизистон ва Туркманистон терма жамоангизни қўллаб-қувватлайди. Шу билан бирга Россия ҳам жаҳон чемпионатида Ўзбекистонга мухлислик қилади. Кўплаб ўйинчилар Россия чемпионатида тўп тепишган ва бизнинг ишқибозларимиз уларни яхши билишади. Шу сабабли табиийки, терма жамоангизни қўллаб-қувватлашади.- Сизнингча, қайси футболчиларимиз мундиалда кашфиёт бўлишлари мумкин?- Шомуродов, Хусанов, Файзуллаев каби етакчилар бор ва улар ўзларини кўрсатишлари катта еҳтимол. Улардан ташқари яна бир қанча ўйинчилар ҳам яхши ўйин кўрсатишларига умид қиламан. Терма жамоа йигитлари ўзларидан илиқ таассурот қолдириш учун бор куч ва имкониятларини ишга солишларига ишонаман. Терма жамоангиз таркибида яна бошқа янги футболчиларни ҳам кузатишимиз мумкин. - Мундиал финалида қайси терма жамоаларни кўряпсиз?- Испания, Франтсия ёки Бразилия. Кучли жамоалар иштирокидаги зўр финални кўришни хоҳлайман. Анчелотти каби кучли мураббийларни финалда кўрсам ажабланмайман. Европа Чемпионлар лигаси финалида ҳам кўрдикки, бир жамоа ҳужум қиляпти, бошқаси еса рақибни хато қилишини кутяпти. Финалда қизиқарли ўйинни кўришни хоҳлаган бўлардим. Шунингдек, Ўзбекистон ҳам финалга чиқса бундан қувонган бўлардик. Бу ҳаётда ҳамма нарса бўлиши мумкин. Манба: чампионат.асиа