Жезуш Роналдунинг норозилиги ҳақида: "Мураббий билан муаммоси бўлмаган лоақал битта ўйинчини айтинг"

— Роналдунинг [ўйиндан кейин] мухлислар билан хайрлашмагани, шунингдек, унинг мақоми муаммога айланмоқдами?— Бу шунчаки 10, 15, 20 сония давом етган алам, холос. Бу ҳеч қайси ҳолатда унинг 20 йил давомида миллий жамоага бўлган садоқатини камситмайди. Бир неча сония норози бўласан, беш дақиқадан кейин еса барчамиз терма жамоамизнинг муҳим ғалабасини нишонлаймиз.— Роналду билан боғлиқ шу каби ҳолатларга қандай қарайсиз? Буни у билан муҳокама қиласизларми?— Тўғрисини айтсам, ўзимдан, Бернарду ва Бруну номидан айтаман: ҳеч ким бу масалага бунчалик катта аҳамият бермайди. Бундай лаҳзалар бошқаларда бўлганидек содир бўлиб туради. Менга мураббий билан ҳеч қачон муаммоси, мураккаб вазиятлари ёки низолари бўлмаган, мураббийдан ёки ўзидан ҳеч қачон ҳафсаласи пир бўлмаган лоақал битта футболчини айтинг. Бу ҳар биримиз ҳаётда дуч келадиган табиий нарсалар. Нарсаларга кенгроқ қарай олиш ва олдинга ҳаракат қилиш муҳим, — деди Португалия терма жамоаси бош мураббийи. Манба: чампионат.асиа