Saloh: "Hakamlik haqida gapirmaslikni afzal koʻraman, hamma nima boʻlganini koʻrdi"

"Birinchi navbatda, bu Allohning irodasi edi. Bu oʻyin va uning natijasi taqdirga yozilgan edi. Biz a'lo darajada birinchi boʻlimni oʻtkazdik va ikkinchi boʻlimning katta qismida ham yaxshi koʻrindik. Biz bir nechta kichik xatolarga yoʻl qoʻydik, hakamlikka kelsak, bu borada izoh berishdan tiyilishni afzal koʻraman. Hamma nima boʻlganini koʻrdi. Bundan ortiq qoʻshadigan gapim yoʻq.

Bizning golimizni bekor qilishdi, shuningdek, darvozamizga penalti belgilanmadi. Shundan soʻng darhol raqib qarshi hujumga oʻtib, gol urdi. Murabbiy bizni turnirdagi ishtirokimiz bilan tabrikladi. U yanada oldinroqqa borishimizni istagandi, lekin bu Allohning irodasi. Biz ushbu turnirda erishgan yutuqlarimiz asosida kelajakni quramiz va Xudo xohlasa, oldinda bizni yanada muvaffaqiyatli kelajak kutmoqda.

Biz amaldagi jahon chempionlariga qarshi oʻynadik va bizni juda ogʻir uchrashuv kutayotganini bilardik. Biz raqibga a'lo darajada tayyorgarlik koʻrgan edik va bu oʻyinning dastlabki daqiqalaridanoq sezilib turdi. Ammo yakunda Alloh bizga aynan shunday taqdirni ravo koʻrdi", – dedi Saloh.

Manba: championat.asia