Ronaldinyo "Monako"ning investoriga aylanishi mumkin

Braziliyalik sobiq futbolchi Ronaldinyo "Monako" basketbol klubiga investor bo‘lishi mumkin, deb xabar beradi L’Equipe nashri.

Manbaga ko‘ra, "Monako" bosh direktori Aleksey Yefimov dushanba kuni kechqurun Ronaldinyo va Andorraning Clayton Sport investisiya fondidan mumkin bo‘lgan investisiyalar bo‘yicha xat oldi.

Taklif "Monako" klubni sobiq basketbolchisi Jamal Meshbern boshchiligidagi konsorsium Helen Holdingsga sotishni yakunlash niyatini ochiqchasiga tasdiqlaganidan bir necha soat o‘tgach paydo bo‘ldi.

"Monako" hozirda Meshbern guruhi bilan muzokaralarni davom ettirmoqda va Fransiya ligasiga qaytish uchun zarur bo‘lgan moliyalashtirishni ta’minlashga harakat qilmoqda. Biroq, Ronaldinyoning potensial investor sifatida paydo bo‘lishi voqealar yo‘nalishini sezilarli darajada o‘zgartirishi mumkin.

Bu vaziyat "Monako"ning 2026/27 yilgi Fransiya ligasi mavsumidan chetlatilishiga qarshi chiqishga urinishlari fonida yuzaga kelmoqda. Klub Fransiya Olimpiya qo‘mitasiga murojaat qilmoqchi va 18 avgustgacha yarashuv so‘rovi uchun asoslarni taqdim etishi kerak.

Manba: stadion.uz