O‘rtoqlik o‘yini. Germaniya terma jamoasi AQSHni mag‘lub etdi (videosharh)

Jahon chempionati–2026ga tayyorgarlik doirasida AQSH va Germaniya milliy terma jamoalari o‘rtasida o‘rtoqlik uchrashuvi bo‘lib o‘tdi. Chikago shahridagi «Soljer Fild» stadionida kechgan bahs Germaniya terma jamoasining 2:1 hisobidagi g‘alabasi bilan yakunlandi.

O‘yinning 2-daqiqasida Kay Havers hisobni ochib, nemislarni oldinga olib chiqdi. 37-daqiqada Entoni Robinson AQSHning javob golini kiritdi. 57-daqiqada esa Leroy Sane Germaniyaning g‘alaba goliga mualliflik qildi.

Eslatib o‘tamiz, JCH–2026 guruh bosqichida Germaniya YE guruhida Kyurasao, Kot-d’Ivuar va Ekvador terma jamoalariga qarshi bahs olib boradi.

AQSH terma jamoasi esa musobaqa mezbonlaridan biri sifatida Jahon chempionatida ishtirok etadi. Amerikaliklar D guruhida Paragvay, Avstraliya va Turkiya terma jamoalari bilan kuch sinashadi.

Manba: stadion.uz