Konor Makgregor Maks Xolloueyni tanqid qildi

UFC sobiq chempioni Konor Makgregor Maks Xolloueyning ular o‘rtasidagi jangda irlandiyalikning jarohati sabab hakamdan bellashuvni to‘xtatishni so‘raganidan norozi bo‘ldi.

«U chekindi. Jangni to‘xtatishni men so‘raganim yo‘q. Jangni to‘xtatma, aksincha, uni tugat. Sen jang endi boshlangan paytda bellashuvni to‘xtatishni so‘rading», — dedi Makgregor.

Konor Xollouey bilan jangning dastlabki soniyalarida tizzasidan jarohat oldi. Makgregor jarohati sabab ikkinchi marta muvozanatini yo‘qotganida, Xollouey hakamdan bu holatga e’tibor berishni so‘radi.

Manba: stadion.uz