Karrager: «Pul hamma narsani hal qilmaydi»

«Liverpul» va Angliya terma jamoasi sobiq himoyachisi Jeymi Karrager «Chelsi»ning «Nottingem Forest»ga qarshi o'yindagi 1:3 hisobidagi mag'lubiyatini keskin tanqid qildi. London klubi Angliya chempionatining 35-turida imkoniyatni boy berdi.

«Bu dahshat. Bugun maydonda 5 yoki 6 nafar haqiqiy top-darajadagi futbolchilar bor edi, lekin ularni «B» darajadagi jamoa mag'lub etdi. Vaholanki, bundan 12 oy oldin ular «PSJ»ni tor-mor etishgandi. Hozir esa futbolchilar va xodimlar, o'yinchilar va muxlislar o'rtasida hech qanday bog'liqlik qolmagan», — deya Karragerning so'zlaridan iqtibos keltirmoqda Sky Sports.

«Qaysidir ma'noda bu yaxshi ham, chunki futbol nafaqat pul sarflash, o'yinchi sotib olish va xodimlarni almashtirishdan iborat emasligini ko'rsatib qo'ydi. Futbol — bu jipslikni yaratish hamdir, «Chelsi»da esa bu narsa yo'q. Hozirda ular xuddi singan futbol klubidek ko'rinishmoqda».

Ushbu uchrashuvdan so'ng «Chelsi» 48 ochko bilan turnir jadvalida to'qqizinchi o'rinni egallab turibdi.