«Borussiya» klubi El-Mala uchun 55 million yevro berishga tayyor

Dortmundning «Borussiya» klubi «Kyoln»ga vinger Said El-Mala transferi bo‘yicha yangi taklif bildirdi. Kelishuvning umumiy summasi 55 million yevroni tashkil etishi mumkin, deb xabar beradi Sky Sport.

Dortmund klubi 19 yoshli germaniyalik futbolchi uchun kurashni davom ettirmoqda va uning o‘tishi uchun maksimal xarajat qilishga tayyor. Manba ma’lumotlariga ko‘ra, yangi taklif kafolatlangan qism va qo‘shimcha to‘lovlarni o‘z ichiga oladi.

«Borussiya» birinchi marta bitim shartlarini yaxshilayotgani yo‘q. Avvalroq 50 million yevro miqdoridagi taklif haqida xabar berilgan edi.

O‘tgan mavsumda El-Mala 36 ta o‘yinda 13 ta gol urdi va 5 ta golli uzatmani amalga oshirdi.

Manba: stadion.uz