Сергей Лебедев: "Бизда яхши жамоа, яхши коллектив йиғилган"

- Ким ўйинда бўлиб, томоша қилган бўлса, бу барчага маъқул келган бўлса керак. Яхши, жанговар ўйин бўлди. Илк навбатда майдонда жонини бериб ўйнаган шогирдларимга раҳмат айтаман. Улар характер кўрсатиб, охиригача ўйнашди. Бизда яхши жамоа, яхши коллектив йиғилган, бу сифат ўйиндан-ўйинга яхшиланиб боради. Бизни доимо қўллаб-қувватлаб турадиган барча мухлисларга миннатдорлик билдираман. - Катта танаффусдан кейин "ФарДУ" жуда зўр ўйнамоқда. Бунинг сабаби нимада?- Йиғин ўтказдик, тайёргарлик кучли бўлди. Тактик-техник томондан меҳнат қилдик. Шунингдек, енг муҳим жиҳат бўлган коллектив, биз енг яхшиларини йиғдик. Агарда ёмон коллектив ва яхши футболчи йиғсангиз, натижалар бўлмайди. Коллектив яхши бўлса, натижа ҳам бўлади. - Университет жамоаларида молиявий томондан муаммолар борлиги маълум бўлмоқда. "ФарДУ"да бундай муаммо йўқми?- Бизда йўқ. Вилоят, университет ва клуб раҳбарларига раҳмат айтамиз. Улар бизни яхшигина қўллаб-қувватламоқда.Шуни айтиб ўтмоқчиманки, биз ғалабани Фарғона Давлат Университети ректорига бағишлаймиз ва бизни қўллаб-қувватлаётгани учун миннатдорлик билдирамиз. Манба: чампионат.асиа