Паулу Барбоза: "Ўзбекистон кучсизлик қилди"

Таниқли португалиялик футбол агенти Паулу Барбоза Метаратингс.ру сайтига берган интервюсида ЖЧ-2026 гуруҳ босқичи 2-туридан ўрин олган, Хюстонда бўлиб ўтган ва Португалия терма жамоасининг Ўзбекистон устидан 5:0 ҳисобидаги йирик ғалабаси билан якунланган учрашув ҳақида ўз фикрларини билдирди.Ғолиблар таркибида жамоа сардори Криштиану Роналду дублга еришган бўлса, Рафаел Леау ва Нуну Мендеш биттадан гол муаллифига айланишди. Шунингдек, Абдувоҳид Неъматов ўз дарвозасини ишғол қилиб қўйди. Ушбу ғалаба евазига Португалиялар ўз очколарини 4 тага етказиб, сўнгги тур олдидан "К" квартети турнир жадвалида пешқадамликни қўлга киритишди.— Бугун биз Конго билан ўйинга қараганда бироз яхшироқ ҳаракат қилдик, аммо Ўзбекистон кучсизлик қилди, — дея таъкидлади Барбоза.— Улар аввалги учрашувдагидан кўра заифроқ ўйин кўрсатишди. Бу ғалаба Колумбия билан баҳс олдидан бизни биринчи ўринга олиб чиқди, бироқ мен катта хулосалар чиқаришга шошилмаган бўлардим. Колумбия билан ўйинда бунчалик осон бўлмайди, чунки бу мутлақо бошқа даража. Нима бўлган тақдирда ҳам, ғалаба қозонганимиз яхши бўлди. Роналду иккита гол урди, бу ҳужумчи учун жуда ижобий ҳолат. Бизда ҳужум чизиғида турли хил вариантлар мавжуд. Манба: чампионат.асиа