Фабио Каннаваро: "Келинглар, футбол атрофидаги нарсалар ҳақида емас, ўйин ҳақида ўйлайлик. Нима учун сизни бундай нарсалар қизиқтиради?"

Кириш сўзи (Фабио Каннаваро): Барчага салом. Биз тайёргарлик кўрдик, бу ўйинга тайёрланиш учун бизда бироз кўпроқ вақт бўлди. Аммо бу ўйин олдидан менда олдингисига қараганда кўпроқ хавотир бор. Чунки Еронга қарши ўйнаганингизда, гарчи бу ўртоқлик учрашуви бўлса ҳам, мотиватсия ўз-ўзидан пайдо бўлади. Ертага биз Сурия билан ўйнаймиз. Бу жуда интенсив ва қийин ўйин бўлади, биз ҳар бир ўйинда ўзимизнинг менталитетимиз ва фалсафамизни кўрсатишимиз керак. Жамоада ҳаммаси жойида, фақат Расулдан ташқари — унда муаммо юзага келди ва у ертага майдонга туша олмайди. Қолган ҳаммаси аъло даражада.- Еронга қарши ўйинда биз оптимал таркибда майдонга тушдик, дейиш мумкин. Ертага Сурияга қарши ўйинда асосий таркибда ўйнамаган футболчиларга имконият бериладими? Умуман олганда, ёндашувингиз қандай бўлади?- Ҳа, балки кимнидир алмаштирармиз, чунки биз Кореяга учишимизни ҳам ўйлашимиз керак, у ерда яна бир ўйинимиз бор. Бундан ташқари, ҳар бир кишига ўйнаб кўриш, ўз дақиқаларига ега бўлиш ва ушбу гуруҳнинг бир қисми еканлигини ҳис қилиш имкониятини бериш фойдали деб ҳисоблайман.- Абдувоҳид Неъматовнинг ҳолати қандай, у ертанги ўйинга тайёрми?- Неъматовга келсак, машғулотда у бармоғида муаммо сезди. Нима бўлганини аниқ билмайман, лекин ертага ерталаб тиббий штаб билан гаплашгандан кейин қарор қабул қиламиз. Ертанги ўйин учун таркибни ҳам ертага кўрамиз.- Осиё ўйинларида иштирок етаётган футболчилар Кореяга борадими, режа қандай?- 23 ёшгача бўлган терма жамоадан футболчиларни жалб қилишга ҳаракат қиламиз. Албатта, балки улардан кимгадир дам олиш керак бўлар, бу вазиятга боғлиқ, бу бўйича қарорни ўзим қабул қиламан.- Сўнгги интервюларингиздан бирида: «Мен енг кўп хоҳлайдиган нарса – футболчилар журналистлар билан мулоқот қилмаслиги», дегандингиз. Шу фикрингизга бироз ойдинлик кирита оласизми: журналистлар умуман футболчилар билан гаплашмаслиги керакми — микст-зонада, машғулотдан олдин, ундан кейин ёки интервю пайтида?- Йигитлар, келинглар ўйинлар ҳақида ўйлайлик. Нега сизни ўйинларнинг ўзи емас, кўпроқ бундай нарсалар қизиқтиради? Тушунмайман, нима учун биз доимо футболдан бошқа исталган нарсани муҳокама қилиш учун сабаб излаймиз. Мени ташвишга соладиган ягона нарса — бу футбол. Футболчилар атрофидаги бошқа барча футболга хос бўлмаган вазиятларни тинч қўйинг ва илтимос, футбол ҳақида ўйланг.- Сиз терма жамоага келганингиздан бери кўп нарса ўзгарди, жамоанинг умумий ривожланиши ва ўсиши ҳақида тез-тез гапирасиз. Аммо бир нарса ҳозирча ўсмаётгандек туюлади — бу рақибларнинг даражаси. Сурия билан боғлиқ вазият тушунарли, улар ўйини бекор қилинган жамоани ўрнини егаллади. Лекин биз Ерон билан емас, бошқа кучлироқ рақиблар билан ўртоқлик ўйинлари ўтказа оламизми? Ерон билан сиз келгунингизча ҳам доим ўйнаб келганмиз, бундан ҳамма чарчади. Топ терма жамоалар билан ўйнашни хоҳлардик ва сизни даврингизда бу жиҳат ҳам ўсиши керак...- Биз ҳаракат қиляпмиз.- Биз тарихда биринчи марта Ерон терма жамоасини мағлуб етдик, бу яхши натижа. Айтинг-чи, Ерон устидан қозонилган ғалабадан сўнг, терма жамоа ўйинида яна қандай камчиликлар кўзга ташланди?- Биз кўп нарсаларни яхшилашимиз керак. Афсуски, биз ҳар куни бирга бўлмаймиз, лекин кўп жиҳатдан ўсишимиз керак. Биз ўйинни кўриб чиқдик ва мен футболчиларга қаерда кучайишимиз кераклигини кўрсатдим. Баъзида биз воқеаларни жуда тезлаштириб, индивидуал тарзда ечим топишга ҳаракат қиламиз. Баъзида еса биз шунчаки тўпни Елдорга берамиз, чунки унинг енг яхши еканини биламиз, ҳатто у учта рақиб орасида бўлганида ҳам. Мен уларга баъзида орқага қайтиб, ҳужумни бошидан, нолдан бошлаш мумкинлигини тушунтиришга ҳаракат қилдим. Биз чизиқлар орасидаги бўш ҳудудларни топишга ҳаракат қиляпмиз. Лекин бизга кўпроқ сабр керак. Ҳаммаси секин бўлади. Шундай ҳолатлардан кейин гол уряпмиз, енди хотиржам бўлишимиз керак. Голдан кейин биз кўпроқ хатоларга йўл қўйяпмиз. Шунингдек, биз тез-тез ўйиннинг дастлабки 20 дақиқасида гол ўтказиб юборяпмиз. Бу ўйиннинг жуда муҳим қисми. Биз Ерон билан ўйинни кўриб чиқдик ва йигитларга қаерда яхшироқ ўйнашимиз мумкинлигини тушунтирдим.- Кўпчилик терма жамоаларда узоқ вақт давомида асосий ҳисобланган дарвозабон бўлади. Германияда бу Нойер, Испанияда Симон. Бизда шундай дарвозабон Юсупов еди. Енди у терма жамоада йўқ, Неъматовни узоқ йиллар давомида биринчи рақамли бўлади деб ҳисоблаш мумкинми?- Сиз Испания ҳақида гапиряпсиз. Уларда бош мураббий жамоани анчадан бери бошқариб келади. Мен яқинда келдик, мен ҳам кузатяпман ва таҳлил қиляпман. Неъматов ҳозир жароҳат олган. Олимпия терма жамоасида яна бир яхши дарвозабонимиз бор. Биз ҳаммага имконият берамиз.- Ертанги ўйин олдидан Сурия терма жамоасининг қандай кучли томонларини таъкидлай оласиз?- Бу яхши жамоа. Улар ертага бизга бўш зоналарни бермай, максимал даражада зич (компакт) ўйнашади. Ўйин қийин бўлади. Биз ўйинни яхши бошлашимиз ва назорат қилишимиз керак. Халқаро ўйинлар бу — халқаро ўйинлар.- Сиз У17 терма жамоаси дарвозабони Иброҳим Шокировни терма жамоа машғулотига чақирдингиз. Бу нима билан боғлиқ? - Машғулотларда бизга бир ўйинчи етишмаётган еди. Шу сабабли мен бир дарвозабон сўрадим ва улар Шокировни чақиришди Манба: чампионат.асиа