Фабио Каннаваро: "Бешта гол фарқи билан ютқаздикми, демак футболчилар емас – мен хато қилганман" (тўлиқ матбуот анжумани)

– Бугунги рақиб ҳақиқатан ҳам жуда кучли еди. Конго Демократик Республикасига қарши сўнгги ўйинда ғалаба қозониб, кейинги босқичга йўл олишга ҳали ҳам ишонасизми? Қолаверса, Криштиану Роналду сизда қандай таассурот қолдирди?– Буни билардик. Қуръа натижалари маълум бўлгач, Колумбия ва Португалияни кўрганимданоқ бу жуда қийин бўлишини тушунгандим. Биз учун бу биринчи Жаҳон чемпионати, шунинг учун футболчиларимга осон емасди. Колумбия билан ўйиндан сўнг улар билан фахрланишимни айтгандим, бугун ҳам фахрланаман. Ҳа, уларнинг чўчиганини, қийналганини кўрдим, лекин улар бирор сония ҳам таслим бўлишмади. Тўпни егаллаганларида фақат ҳимояланмасдан, ҳужум қилишга, хавф туғдиришга ва футбол ўйнашга ҳаракат қилишди. Бу мен учун жуда муҳим. Барча чизиқларда юқори савияли футболчиларга ега жамоага қарши ўйнаганда қийналиш табиий ҳол. Улар биринчи ўйинда дуранг ўйнашганди, шунинг учун бугун анча юқори иштиёқ билан ҳаракат қилишди. Криштиану Роналдуга қарши ўйнаганда унга бир сантиметр ҳам бўш ҳудуд бериб бўлмаслигини биласиз, чунки шундай қилсангиз, у иккита гол уриб кетади. Биз ҳали ҳам кейинги босқичга чиқишга ишонишимиз керак, чунки математик жиҳатдан имкониятимизни йўқотмагунча уйга қайтмаймиз. Айтганимдек, енди бу икки ўйинни унутишимиз керак, чунки улар жуда кучли рақибларга қарши ўтди.– Менимча, бу мураббий ва футболчи сифатидаги фаолиятингиздаги енг йирик мағлубият бўлди. Баъзи статистикаларни кўраётгандим.– ЙЎқ, футболчи сифатида "Барселона"га қарши 2:6 ҳисобида мағлубиятга учраганман. Ҳа, бешта гол фарқи билан емас. Лекин мағлубият ҳисобга боғлиқ емас.– Шуни сўрамоқчи едим, бугун Португалия жуда кучлимиди ёки жамоангиздан яхшироқ ўйин кутганмидингиз?– Менимча, ҳар иккиси. Дастлабки иккита голни жуда ерта ўтказиб юбордик. Мен уларга буни тушунтиришга, тайёрлашга, кўпроқ маълумот беришга ҳаракат қилгандим, шунинг учун бу ҳолат мен учун кутилмаган бўлди. Гол ўтказиб юборганимиздан кейин юқори прессинг қўллашга, гол уришга интилдик ва гол ҳам урдик, лекин афсуски, марказда қоида бузилган екан. Муаммо шундаки, Португалияга ўхшаган марказда ва қанотларда жуда яхши ўйнайдиган жамоаларга қарши ҳаракат қилганда қийин бўлади. Кеча айтганимдек, бу жамоа ҳақиқатан ҳам кучли ва бугун биринчи ўйинга қараганда кўпроқ мотиватсияга ега еканини кўрдим. Ҳар қандай рақибга уларга қарши ўйнаш қийин бўлади.– Футболда хотира қисқа бўлади, бу айни ҳақиқат ва буни ҳаммамиз биламиз. Сиз буюк футболчи бўлгансиз, шунинг учун сўрамоқчи едим: Криштиану Роналду мисолида айтадиган бўлсак, сўнгги пайтларда у ҳақида айтилаётган гапларда баъзан ҳурматсизлик қилинмаяптими?– Футболчиларга нисбатан ҳурмат ҳақида гапирсак, кўпчилик Криштиану сингари Осиёда фаолият олиб бориш вақтни беҳуда сарфлаш деб ўйлайди. Лекин кейин Жаҳон чемпионатига келасиз ва 41 ёшда ҳам сизда ғалабага бўлган чанқоқлик ҳали ҳам юқори еканини кўрсатасиз. Чунки инсон футбол ўйнашни шунчаки унутиб қўймайди. Месси МЛСда ўйнаяпти ва Жаҳон чемпионатидаги иштироки орқали тарихга янада мустаҳкамроқ кирди. Ҳозир футбол фақат Европада емас. У ўз уфқларини, чегараларини кенгайтирди, барча учун очилди ва савия ўсмоқда. Криштиану ҳамиша футбол тарихидаги енг кучли ўйинчилардан бири бўлиб қолади.– Бугун асосий таркибда Колумбия билан ўйинга нисбатан ўзгаришлар қилдингиз ва булардан иккитаси муваффақиятсиз чиқди. Сабаби, Абдувоҳид Неъматовни Юсуповнинг ўрнига туширдингиз. Бундан ташқари, Одилжон Ҳамробеков ҳам марказда хатоларга йўл қўйди ва бу голларга олиб келди. Бу мағлубиятда асосий айбдор мураббий деб ҳисоблайсизми? Яъни, мураббийнинг тактик хатолари мағлубиятга сабаб бўлдими? Жавобгарликни ўз бўйнингизга оласизми?– Албатта, мураббий жавобгар. Мен ҳолати яхшироқ деб ҳисоблаган футболчиларни майдонга туширишга ҳаракат қиламан. Мен футболчиларимга ёрдам бериш учун масъулиятни ўз бўйнимга оламан, чунки бу уларнинг биринчи Жаҳон чемпионати еканини биламан. Мен уларга пасларда хато қилишлари мумкинлигини, қўполликларга йўл қўйишлари мумкинлигини ва ҳатто яхши ўйнамасликлари ҳам мумкинлигини айтганман – бу мен учун муҳим емас. Мен уларга ишонч билдираман ва доим ишонч билдиришда давом етаман. Чунки уларга фақат ишонч билдирганимдагина, улар ўсишга ва ўзларини яхшироқ ҳис қилишга интилишади, шундагина футбол ўйнашдан қўрқишмайди. Мен фақат бугун емас, бутун ҳаётим давомида ҳам футболчи, ҳам мураббий сифатида масъулиятни доим ўз зиммамга олганман. Шунинг учун бугун 5 та гол фарқи билан ютқаздикми, демак, бунда футболчилар емас, мен хато қилганман.– Нега жамоангиз бекор қилинган голни урган пайтдаги ўйинини ушлаб қололмади? Ўша вазиятда улар чинакам рақобат кўрсатаётган еди. Нима учун бу темпни сақлаб қолишнинг иложи бўлмади? Бу сизнинг жамоангиз билан боғлиқми ёки Португалиянинг кучи биланми? Ҳамда, Колумбия ва Португалия билан ўйнаган мураббий сифатида, бу икки терма жамоани билган ҳолда ушбу гуруҳдаги вазият қандай якунланади деб ўйлайсиз?– Ўйлайманки, бекор қилинган гол бизнинг ишончимизни анча пасайтириб юборди. Бу жуда ачинарли, чунки жамоа худди Колумбияга қарши ўйиндаги каби ҳаракат қила бошлаётганди. Футболчилар кўпроқ жасорат билан ўйнаб, ўйинни назорат қилишга ҳаракат қилаётганди. Тўлиқ 90 дақиқа давомида бўлмаса ҳам, улар яхши ўйнай бошлашганди. Кейин еса мувозанат йўқолганда ва учинчи голни ўтказиб юборганингиздан сўнг вазият янада қийинлашади. Колумбияга келсак, улар жуда яхши жамоа. Лекин Португалияни буюк жамоа даражасида кўряпман. Уларнинг кўплаб ўйинларини ва жиҳатларини кузатдим. Улар марказда ҳам, қанотларда ҳам, жамоавий тарзда ҳам қандай ўйнашни жуда яхши билишади. Ҳар икки жамоа кучли, аммо Португалияда қандайдир устунлик борлиги аниқ.– Собиқ жаҳон даражасидаги ҳимоячи сифатида айта оласизми, нега Криштиану Роналдуга қарши ўйнаш бунчалик қийин? Жарима майдончасидаги ҳаракатларими ёки гол уриш қобилиятими? Нима учун унга қарши ҳаракат қилиш бунчалик мураккаб?– У жарима майдончаси ичида тўпни ўзига оҳанграбодек тортади ва у ерда жуда кўп ҳаракат қилади. Шунингдек, шериклари ҳам унга мослашиб ўйнайди, уни излашади, унга тўп узатишади ва унда доим жуда қулай вазиятлар пайдо бўлади. Ҳимоячи сифатида унга яқин ўйнаш учун жуда ҳушёр ва ақлли бўлишингиз керак, чунки жарима майдончаси ичида унга 1 сантиметр бўш жой берсангиз, тамом бўласиз.– Ҳамкасбимнинг саволини давом еттириб, сўрамоқчи едим: ўзининг енг яхши спорт формасидаги Фабио Каннаваро бугун Криштиану Роналдуни тўхтата олган бўлармиди? Айтайлик, Жаҳон чемпионатида ғолиб чиққан 2006 йилги даврингизда.– Мен уни кўп марта тўхтатиб қолганман, лекин у ҳам менга қарши кўп марта гол урган. Аммо мен анча олдин фаолиятимни якунлаганман. У еса ҳали ҳам ўйнаяпти ва бу билан уни табриклайман, чунки у ажойиб профессионал. Мен унга яна бир неча йил ўйнай олишини, футболдан роҳатланишда давом етиши кераклигини айтдим, чунки унинг ҳолатига қарасангиз, бунга бемалол қодир.– Биринчи бўлимда 5 талик ҳимоя кўзга ташланди, лекин бу бироз алдамчи еди, чунки улар марказга қараб силжишди. Салоҳиятдаги фарқларга қарамай, жамоа чуқур ҳимояга ётиб олмади. Иккинчи бўлимда ҳам уларни олдинга бошлашда давом етдингиз ва еҳтимол, йирик мағлубият хавфини юзага келтирдингиз. Бу сизни ташвишга солмадими? Уларнинг майдоннинг олдинги қисмида ўйнашда давом етишини афзал кўрдингизми?– Ҳа, чунки Португалияга ютқазиш оддий ҳол. Агар юз марта ўйнасак, юз марта ютқазишимиз мумкин. Бу аниқ. Шунинг учун мен улардан кўпроқ жасорат кўрсатишни, футбол ўйнашни ва қўрқмасликни сўрадим. Фақатгина мана шундай менталитет орқали жамоа сифатида ва якка тартибда ўсиш мумкин деб ҳисоблайман. Бугун қанотда 18 ёшли йигитни ўйнатдим, яна бир 22 ёшли футболчимиз бор еди. Таркибимизда 22 ёшли икки-учта йигитлар бор ва албатта, мураббий сифатида уларга ишонч беришим керак. Нега? Чунки Португалияга қарши ўйинда ҳимояга ётиб олсангиз, 99 фоиз ҳолатда барибир мағлубиятга учрайсиз. Шунинг учун мен: "Нега енди бошқачароқ ўйнашга ҳаракат қилиб кўрмаймиз?" дедим. Шу сабабли улардан ҳеч қачон орқага қайтишни ёки ёпиқ ўйин кўрсатишни сўрамаганман ва бундан кейин ҳам сўрамайман. Жамоам ютқазса ҳам барчага қарши очиқ ўйнашини афзал кўраман. Бу муаммо емас, чунки биз бу ерга тажриба орттириш учун келганмиз. Мундиал – Ўзбекистон учун биринчиси. Ўзбекистон илк бор Жаҳон чемпионатида иштирок етмоқда. Бугун таркибда 20 ёшдан ошган яна иккита йигитни майдонга туширдим. Шундай екан, олдимизга қўйган мақсадимиз мен учун жуда аниқ. Агар кимдир Жаҳон чемпионатида ғалаба қозонмоқчи бўлса, бу умуман бошқа масала. Манба: чампионат.асиа