Ерматовнинг гаплари қанчалик тўғри?

АҚШ, Мексика ва Канада майдонларида ўтказилган ва тарихда илк бор Ўзбекистон иштирок етган мундиал ҳам аллақачон ўз якунига етди. Бироқ терма жамоамизнинг мундиалдаги иштироки натижа жиҳатидан муваффақиятли бўлмади. Учта ўйин ва учта мағлубият. Таркибдаги кўплаб ротатсия туфайли ўзбек футболи ҳамжамиятининг асосий қисми италиялик "Баллон Д’ор" соҳибини муваффақиятсизликнинг асосий сабаби дея кўрсатмоқда.Жаҳон чемпионати якунланганига бир ҳафтадан бироз кўпроқ вақт ўтган бўлса, МТЖ учун мундиал бир ой аввал Конгога қарши баҳс билан якунланиб бўлганди. Гуруҳ босқичи ўз якунига етганидан сўнг терма жамоамиз аъзолари Тошкентга қайтишди ва тантанали тарзда кутиб олинди. Тошкентга фақатгина мураббийлар штаби ва Фабио Каннаваро қайтмаганидан хабарингиз бор. Терма жамоа бош мураббийи Тошкентга келмаслиги маълум бўлганининг ўзи ҳам мухлисларнинг кўплаб норозиликларига сабаб бўлди. 14-июл куни ОАВ вакиллари учун ташкил етилган ҳакамлик бўйича семинардан сўнг ЎФА биринчи витсе-президенти Равшан Ерматов ОАВ вакилларининг саволларига жавоб берар екан, Каннаваро июл ойининг охирларида Ўзбекистонга келиши ва яқинлашиб келаётган Осиё Кубогига селектсия ишларини олиб боришини таъкидлаб ўтди. Шундан сўнг еса журналистлар ҳам Каннаваро Ўзбекистонга қайтганидан сўнг ЎФА томонидан Жаҳон чемпионатидаги иштирок бўйича матбуот анжумани ташкил етилар екан, дея ёза бошлади. Бугун еса 29 июл, июл ойи тугашига еса икки кун қолди. Фабио Каннаваро ҳали Тошкентга келгани йўқ. Каннаваро Тошкентга келадими? Ерматовнинг сўзлари қанчалик тўғри?Кеча "Нефтчи" ва "Навбаҳор" ўртасида бўлиб ўтган "дерби"ни мураббийлар штаби аъзоси Франческо Троитсе стадиондан туриб кузатди, аммо бош мураббийдан еса ҳали ҳамон дарак йўқ. Тўрт йилликнинг енг йирик мусобақасидан сўнг жами 48та иштирок етган терма жамоаларнинг 15таси бош мураббийи ишдан бўшатилди. Қитъадошларимиз Жанубий Корея терма жамоаси устози мундиалдаги қониқарсиз натижадан сўнг ўта жиддий танқидга учрагани ижтимоий тармоқларда катта муҳокама ва баҳсларга сабаб бўлди. Шунингдек, Ироқ ва Иордания терма жамоалари ҳам ўз бош мураббийларини истеъфога чиқаришди. Ўзбекистонда мундиалдаги иштирокдан сўнг бош мураббийи қачон мамлакатга қайтиб келиши ноаниқ… Манба: чампионат.асиа