Алварес ва Симеоне ҳужумчининг "Барса"га ўтиш истагини муҳокама қилишди

Хулиан Алварес Диего Симеоне билан "Барселона"га ўтиш истагини муҳокама қилди. Мундо Депортиво ёзишича, бугун аргентиналик ҳужумчи таътилдан кейин бош мураббий ҳузурида "Атлетико" билан илк машғулотини ўтказди. Футболчи ва мураббий машғулот бошланишидан олдин суҳбатлашишди. Таъкидланишича, Симеоне ва Алварес машғулотга жуда ерта келишган. Диего ҳали ўзи кўрмаган футболчиларни, жумладан Хулиан, Алекс Баена ва Маркос Лорентени қутлади. Айнан шу пайтда Алварес ва мураббий ўртасида суҳбат бўлиб ўтди, унда футболчи вазият ҳақида ўз фикрини билдирди. Симеоне футболчининг келажаги ҳақидаги қарорни клуб қабул қилишини, ўзи еса мураббий сифатида фақат спорт жиҳатидан ёрдам бериши мумкинлигини айтди. Хулианга унинг вакиллари Фернандо Идалго ва Серхио Диас ҳамроҳлик қилишди, улар келажаги масаласини ҳал қилиш учун ҳужумчи билан бирга Мадридга келишган еди, гарчи "Атлетико" сотувга ҳамон кескин қарши бўлса ҳам. Манба: чампионат.асиа