Terma bilan xayrlashgan Messi yana Argentina safida o‘ynaydi

Lionel Messi Argentina terma jamoasi safida yana bir bor maydonga tushishi mumkin.

Avvalroq, yozning so‘nggi kuni 39 yoshli futbolchi milliy jamoadagi faoliyatini yakunlayotganini e’lon qilgan edi.

Biroq The Touchline jurnalist Federiko Buenoga tayanib xabar berishicha, Messi Argentina terma jamoasining navbatdagi yig‘iniga chaqiriladi.

Manba ma’lumotiga ko‘ra, futbolchi milliy jamoa safida xayrlashuv uchrashuvini o‘tkazishi rejalashtirilgan.

Argentina terma jamoasi bu yozda jahon chempionati finaliga qadar yetib bordi. Hal qiluvchi bahsda argentinaliklar Ispaniyaga minimal hisobda mag‘lub bo‘ldi.

Shuningdek, Messi 2026 yilgi "Oltin to‘p" uchun asosiy da’vogarlar reytingida uchinchi o‘ringa qo‘yilgan.

Manba: stadion.uz