Otamendi: “Bolaligimdan Argentina terma jamoasi libosini kiyishni orzu qilardim. Oxirgi oʻyinim Jahon chempionati finaliga toʻgʻri keldi”

“Bolaligimdan Argentina terma jamoasi libosini kiyishni orzu qilardim. Bu futbol menga taqdim etgan eng buyuk sharaf boʻldi. Men uni butun qalbim bilan, faxr va millionlab argentinaliklar uchun nimani anglatishini his qilgan holda, katta mas'uliyat bilan himoya qildim.

Taqdir shuni ravo koʻrdiki, mening oxirgi oʻyinim Jahon chempionati finaliga toʻgʻri keldi. Natija biz kutgandek boʻlmadi, ammo men boshimni baland koʻtargan holda ketmoqdaman, chunki bu jamoa oxirgi soniyagacha bor kuchini berganini bilaman.

Maydonda bor-budimni qoldirganimdan qoniqish hissi bilan xayrlashmoqdaman. Men hech qachon oʻzimni ayamadim, ishonishdan toʻxtamadim va bu libosni hayotimdagi eng buyuk sharaf sifatida his qilishdan hech qachon chekinmadim…

Bugun Argentina milliy terma jamoasi bilan xayrlashmoqdaman, ammo oʻz mamlakatim sharafini himoya qilganimdan cheksiz faxrlanaman. Chunki sovrinlar — bu tarixning bir qismi, ammo bu ranglarga boʻlgan muhabbat bir umr saqlanib qoladi…”, – dedi futbolchi.

Otamendi milliy terma jamoada 2009 yilda debyut qilgan. Oʻshandan beri himoyachi “albiseleste” tarkibida 139 oʻyin oʻtkazib, 8 ta gol urgan. Uning soʻnggi bahsi 2026 yilgi Jahon chempionatining Ispaniyaga qarshi final oʻyini (0:1) boʻldi.

38 yoshli futbolchi Argentina terma jamoasi tarkibida 2022 yilgi Jahon chempioni hisoblanadi. Shuningdek, Nikolas “albiseleste” bilan ikki marta Amerika Kubogida zafar quchgan va JCh-2026 finalchisiga aylangan.

Manba: championat.asia