KONKAKAF JCh huquqlarining bir qismini sotish haqida: "Reja hech qanday muhokamalarsiz ishlab chiqilgan"

“KONKAKAF bu haqda faqat ommaviy axborot vositalari xabarlaridan, shundan soʻng esa press-relizdan xabar topdi. Biz tegishli huquqiy tartib-qoidalar yoʻqligidan chuqur xavotirdamiz.

Biz mintaqamizdagi va butun dunyodagi koʻplab insonlarning xafsalasi pir boʻlganini boʻlishamiz, chunki bunday batafsil reja tegishli boshqaruv organlari va manfaatdor tomonlar bilan hech qanday muhokamalar oʻtkazilmasdan turib ishlab chiqilgan va e'lon qilingan.

Futbol etakchilari sifatida biz oʻyinning saqlovchilari hisoblanamiz. FIFA, konfederatsiyalar va barcha a'zo assotsiatsiyalar har doim sport manfaatlari yoʻlida harakat qilishni ta'minlash uchun mas'uldirlar.

Biz qabul qilayotgan har bir qaror tegishli boshqaruv, ishonchli tartib-qoidalar va uzoq muddatli nazoratga asoslanishi kerak. Bu KONKAKAF faoliyat yuritadigan asos hisoblanadi. FIFA oilasining barcha a'zolari ham shunday yoʻl tutishiga ishonamiz”, – deyiladi KONKAKAF bayonotida.

Manba: championat.asia