De la Fuente Deshamning hakamga nisbatan e'tirozlari haqida: "Natija oʻzingizga yoqmaganda, bahona qidirishni boshlaysiz"

Ispaniya Frantsiya ustidan 2:0 hisobida gʻalaba qozonib, jahon chempionati finaliga chiqdi. Ispanlar birinchi golni 22-daqiqada salvadorlik hakam Ivan Barton belgilagan penaltidan soʻng urishdi.

Frantsiya terma jamoasi bosh murabbiyi Desham oʻn bir metrlik jarima zarbasi haqida shunday dedi: "Bu bahsli vaziyat, buni unutmaslik kerak, ular esa tizimli ravishda qoidalarni buzishmoqda. Mayda qoidabuzarliklar koʻp boʻldi, oʻyin doimiy ravishda toʻxtatildi". Shuningdek, Desham Bartonning saviyasi oʻyin darajasiga mos kelganmi, degan savolni oʻrtaga tashladi.

"Natija sizning foydangizga hal boʻlmasa, bahonalar izlashni boshlaysiz. Ispaniyada ham hakamlik bilan bogʻliq muammolar boʻlgan: Frantsiya bilan oʻyin ba'zida Urugvay bilan kechgan oʻyinni eslatdi. Biz allaqachon bu kabi holatlarga duch kelganmiz. Bundan tashqari, bizning golimizni [Yamalning goli] bekor qilishdi. Men bu masalani muhokama qilishda davom etadigan holatda emasman", – dedi de la Fuente.

Manba: championat.asia