Bilich Angliyaga qarshi o‘yin oldidan rejasini ochiqladi

Xorvatiya terma jamoasi bosh murabbiyi Slaven Bilich Angliyaga qarshi o‘yin oldidan o‘tkazilgan matbuot anjumanida fikr bildirdi. Millatlar ligasi 3-tur uchrashuvi 3 oktyabr kuni bo‘lib o‘tadi.

«Biz butun o‘yin davomida yaxshi va barqaror darajada harakat qilishimiz kerak. Mukammal emas, ammo izchil o‘yin talab etiladi. Angliya ustunlik qiladigan davrlar bo‘ladi, lekin bizda ham o‘z imkoniyatlarimiz paydo bo‘ladi. Jips harakat qilishimiz, bir-birimiz uchun kurashishimiz va to‘pni olib qo‘yganimizdan keyin Angliyani ochilishga majbur qilishimiz kerak», — dedi Bilich.

«Bu men uchun eng alohida o‘yin emas. Mas’uliyat Ispaniyaga qarshi bahs oldidan qanday bo‘lgan bo‘lsa, hozir ham xuddi shunday. Men Angliyani Braziliya yoki Ispaniyadan ustun qo‘ymayman».

Guruhda Ispaniya 6 ochko jamg‘argan. Angliya va Xorvatiya hisobida 3 tadan ochko bor, Chexiya esa hozircha ochko olmagan.

Manba: stadion.uz