«Bavariya» Ibragimovichni «Augsburg»ga ijaraga beradi

Ariyon Ibragimovich «Bavariya»dan «Augsburg»ga o‘tadi.

Klublar 20 yoshli vingerning 500 ming yevro evaziga ijaraga o‘tishi bo‘yicha kelishuvga erishdi. Bitimda futbolchini 8 million yevroga sotib olish imkoniyati ham bor. Bu haqda Sky Sport jurnalisti Florian Plettenberg xabar berdi.

Myunxenliklar futbolchining keyingi transferidan tushadigan mablag‘ning ma’lum bir foizini olishi mumkin.

Ibragimovich 2025/26 yilgi mavsumni «Xaydenxaym»da ijara asosida o‘tkazdi. Ariyon Bundesligada 32 ta o‘yinda 2 ta gol urdi va 4 ta golli uzatma amalga oshirdi.

Manba: stadion.uz