Отаменди: “Болалигимдан Аргентина терма жамоаси либосини кийишни орзу қилардим. Охирги ўйиним Жаҳон чемпионати финалига тўғри келди”

“Болалигимдан Аргентина терма жамоаси либосини кийишни орзу қилардим. Бу футбол менга тақдим етган енг буюк шараф бўлди. Мен уни бутун қалбим билан, фахр ва миллионлаб аргентиналиклар учун нимани англатишини ҳис қилган ҳолда, катта масъулият билан ҳимоя қилдим.Тақдир шуни раво кўрдики, менинг охирги ўйиним Жаҳон чемпионати финалига тўғри келди. Натижа биз кутгандек бўлмади, аммо мен бошимни баланд кўтарган ҳолда кетмоқдаман, чунки бу жамоа охирги сониягача бор кучини берганини биламан.Майдонда бор-будимни қолдирганимдан қониқиш ҳисси билан хайрлашмоқдаман. Мен ҳеч қачон ўзимни аямадим, ишонишдан тўхтамадим ва бу либосни ҳаётимдаги енг буюк шараф сифатида ҳис қилишдан ҳеч қачон чекинмадим…Бугун Аргентина миллий терма жамоаси билан хайрлашмоқдаман, аммо ўз мамлакатим шарафини ҳимоя қилганимдан чексиз фахрланаман. Чунки совринлар — бу тарихнинг бир қисми, аммо бу рангларга бўлган муҳаббат бир умр сақланиб қолади…”, – деди футболчи.Отаменди миллий терма жамоада 2009 йилда дебют қилган. Ўшандан бери ҳимоячи “албиселесте” таркибида 139 ўйин ўтказиб, 8 та гол урган. Унинг сўнгги баҳси 2026 йилги Жаҳон чемпионатининг Испанияга қарши финал ўйини (0:1) бўлди.38 ёшли футболчи Аргентина терма жамоаси таркибида 2022 йилги Жаҳон чемпиони ҳисобланади. Шунингдек, Николас “албиселесте” билан икки марта Америка Кубогида зафар қучган ва ЖЧ-2026 финалчисига айланган. Манба: чампионат.асиа