Колумбия терма жамоаси бош мураббийи Ўзбекистонга қарши ўйиндан олдин нималар деди? (Тўлиқ матбуот анжумани)

– Колумбия футболининг ушбу авлоди узоқ кутган лаҳзада, шунча кунлик йиғин ва бирга ўтказилган вақтдан сўнг, жамоага айтадиган сўнгги сўзингиз қандай бўлди?– Барчага хайрли кун. Хабарим одатдагидек – ўйиндан завқ олишсин, шукроналик келтиришсин ва Колумбия либоси учун майдонда жонларини беришсин. Биринчи кундан нима деган бўлсак, шу. Худога шукур, 8 йилдан сўнг яна ушбу мундиалдамиз. Бизда умид катта, ўзимизни яхши томондан кўрсатиш истаги кучли – ҳар кунги хабаримиз шундан иборат.– Жамоа ва мухлислар ўртасида юзага келган илиқ муносабат ҳақида сўрамоқчи едим. Федератсия томонидан микст-зоналар ташкил етилаётгани, ўйинчиларни кўриш учун машғулотларда кўпроқ вақт берилаётгани мухлисларни жамоага яқинлаштирмоқда. Бу ташаббус қаердан пайдо бўлди?– Ўйлайманки, бу табиий равишда юз берди. Йигитлар майдонда борларини бериб, юракдан ўйнашмоқда ва мухлислар буни ҳис қилмоқда. Матбуот ҳар доим биз билан бирга бўлиши керак. Баъзида маълумот кам берилиши мумкин, лекин бу атайлаб қилинмайди. Колумбия жуда муҳим синов олдида турган бир пайтда раҳбарлар, мухлислар, журналистлар ва умуман ушбу гўзал спорт турига дахлдор барчамиз бирлашишимиз керак деб ҳисоблайман.– Ўзбекистоннинг сўнгги 5 та ўйини ҳақида гапирсак: жамоа 2 марта ғалаба қозонди, 2 марта ютқазди ва 1 марта дуранг ўйнади. 6 та гол уриб, 7 та ўтказиб юборди. Ўтказилган таҳлилларга таяниб, Ўзбекистонга қарши тактик ва стратегик режангиз аниқми ёки ҳали ўйлантираётган жиҳатлар борми?– Тактик ва стратегик режамиз аниқ – ўйинга қандай ёндашишимизни биламиз. Тактик жиҳатдан иккита ҳолат бор: бири ҳимоявий, иккинчиси ҳужумкор. Бу борада Ўзбекистоннинг хусусиятлари жуда яққол кўзга ташланади. Шундай екан, биз ҳужумда ҳам, ҳимояда ҳам яккакурашларда ютиб чиқишга ҳаракат қиламиз.– Ертанги ўйинда Колумбия фаворит. Бироқ ушбу Жаҳон чемпионатининг илк ўйинларида фаворитлар доим ҳам ютавермаяпти. Бу сизни хавотирга солмайдими?– ЙЎқ, Жаҳон чемпионатлари бизга кичик жамоалар йўқлигини ва ҳеч кимни камситмаслик кераклигини кўрсатмоқда. Ўзбекистон – кучли рақибларга қарши яхши натижалар қайд етган жамоа. Уларда ажойиб мураббий бор, тўрт-беш нафар юқори даражадаги футболчилари бор ва енг муҳими – улар нима ўйнаётганини аниқ биладиган тартибли жамоа. Ертанги ўйинда уларни ортда қолдириш биз учун асосий чақириқ бўлади.– Жаҳон чемпионатининг дастлабки ўйинларида жамоаларнинг интенсивлиги, тезлиги ва юқори прессинги ажралиб турибди. Колумбия мундиалнинг бундай тезкорлигига қанчалик мослаша олади? Мисол учун, Хамес ертанги ўйинга қандай тайёргарлик билан етиб келди?– Хамеснинг ҳолати яхши, унинг жисмоний тайёргарлиги доимий ўсиб бормоқда. Албатта, унинг истеъдоди шундайки, баъзида бошқалар каби кўп югурмаса ҳам, ўйинга ойдинлик киритади ва муҳим масалаларни ҳал қилади. Интенсивликка келсак, Колумбия бу борада талабга жавоб беради. Биз интенсивлик бўйича дунёда етакчилардан саналадиган жамоаларга қарши ўйнаганимизда (масалан, Франтсия) улардан қолишмадик. Гап фақат югуришда емас, асосийси – тўғри ҳимояланиш ва самарали ҳужум қилишдир.– Мексика чемпионатида тажриба тўплаган, баландликка яхши мослашган Виллер Дитани ертанги асосий таркибда кўришимиз мумкинми? Унинг ҳозирги ҳолати сиз учун қанчалик муҳим?– У "Крус Асул" билан Мексикада ажойиб турнир ўтказди ва шу орқали миллий терма жамоага чақирилди. У қолган 25 та футболчи каби ўйнашга тайёр. Худога шукур, бизда барча чизиқларда ва позитсияларда рақобат жуда кучли. Якуний қарор еса индивидуал хусусиятлар ҳамда рақибга қарши қўлланиладиган стратегияга қараб қабул қилинади.– Асосий 11 таликни қандай танлайсиз? Маълумотларга таянасизми ёки ҳис-туйғуларгами? Ва буни футболчиларга қачон маълум қиласиз?– Юқорида айтиб ўтганимдек, бу – ўйин стратегияси ва футболчиларнинг индивидуал имкониятлари ўртасидаги мувозанатдир. Қарор ҳар доим терма жамоа фойдасини кўзлаб қабул қилинади.– Ҳозирга қадар бўлиб ўтган 17 та ўйинда қарийб 50 та гол урилди. Чемпионатнинг бу қадар сермаҳсул старти ёхуд аутсайдерларнинг ўта чуқур ҳимояланиши сизни ҳайрон қолдирдими?– ЙЎқ, бу кутилган ҳолат еди. Ўзини имконият жиҳатдан бироз пастроқ баҳолаган жамоа чуқур ҳимояланишни маъқул кўради. Қолаверса, ҳозирги футболчилар жисмонан ўта бақувват. Майдон марказидан ҳужумга ўтиш жараёнлари ҳалокатли даражага етган. Бугун ҳам бир нечта жамоаларда тезкор ҳужумга ўтиш қандай натижа берганини кўрдик. Агар ҳимояга ўз вақтида қайтмасангиз, дарҳол гол ўтказиб юборасиз. Шунинг учун ҳозир кўплаб жамоалар тўғридан-тўғри, вертикал ҳужумларни танламоқда.– Сиз ҳам Хосе Пекерман, Ернан "Болило" Гомес, Матурана каби мундиалларда иштирок етган машҳур мураббийлар қаторига қўшилдингиз. Ёрдамчи мураббийликдан бош мураббийликка ўтиш қандай бўлди ва бу тажриба Ўзбекистонга қарши ўйинда сизга қандай ёрдам беради?– Бу узоқ йиллик меҳнатимнинг натижаси. Йиллар давомида сояда, бошқа позитсияда ишладим. Хоседан, қолаверса футболчилик фаолиятимдаги бошқа мураббийлардан кўп нарса ўргандим. Футболни тарк етишимдан 3-4 йил олдин мураббий бўлиш ниятим қатъий еди. Доимо ўрганишга, тинглашга, таҳлил қилишга ва ўзимни ривожлантиришга ҳаракат қилдим. Худо менга жаҳон чемпионатида бош мураббий бўлиш имконини берганидан бениҳоя миннатдорман ва буни Колумбия термаси билан аъло даражада ўтказмоқчиман.– Жамоа Гвадалахарага келганидан бери футболчилардаги кайфиятни қандай баҳолайсиз? Ўйинга 24 соат қолганда уларнинг ҳолати қандай?– Жамоа шунчаки ажойиб! Йигитлар терма жамоа либоси ҳар нарсадан устун еканини ҳис қилиб, ўзларини бутунлай бахшида етишмоқда. Таркибдан баъзи футболчиларни тушириб қолдириш мен учун оғир бўлди, чунки улар ҳам худди асосий рўйхатдагилар каби меҳнат қилишганди. Аммо мақсадимиз битта – биз барча нарсани ютиш учун келдик, бунинг учун еса ўзимизни тўлиқ қурбон қилишимиз керак.– Колумбиялик мухлислардан бири Луис Диас ҳақида шундай деди: "У худди ўз маҳалласида ўйнагандек тўп тепади". Бунга қўшиласизми? У ўзининг илк Жаҳон чемпионатига қандай ҳолатда келди?– Жаҳон чемпионатига келган ҳар бир футболчи ўзининг ёшликдаги орзусини еслайди. Лучо ҳам шундай. Унга "Бугун дам оласан" десангиз ҳам, барибир бориб тўпни олиб келади. Тўп билан бўлиш васвасасига қарши тура олмайди. Бу менга жуда ёқади. Биз Аргентинада "болаликдаги орзу" деб атаймиз, бугун ўша орзусидаги бола ертага жаҳон чемпионати майдонига тушади. Бу тўғридан-тўғри қалб ва ақл билан боғлиқ бўлган соф туйғу.– Одатда таркибни олдиндан еълон қилмайсиз, лекин Ўзбекистонга қарши ертанги ўйинда қандай тактик чизма ва таркибни кўрамиз?– Айтишимни хоҳлайсизми? Гап шундаки, мен буни ҳали ўйинчиларнинг ўзига ҳам айтмадим. Лекин биз яхши ҳолатдамиз. Бизда 26 нафар ҳақиқий "шерлар" бор. Бундан жуда хурсандман.– 8 йиллик танаффусдан кейин Колумбия ушбу мундиалда дунёга қандай қиёфасини намойиш етмоқчи?– Ажойиб савол. Биз ўзлигимиз, моҳиятимиз ва услубимиз устида кўп ишладик. Колумбия – бу қувонч. Халқимиз табассум қилиш учун сабабга муҳтож ва терма жамоамиз худди шунинг учун яхши ўйнашни хоҳлайди. Бу осон емас, лекин бунинг учун қўлимиздан келган барча ишни қиламиз. Колумбиялик мухлисларга ёқадиган чиройли ўйин услубини сақлаб қолишга ҳаракат қиляпмиз.– Жанубий Америка ва Колумбиянинг енг юлдузли футболчиларидан бири сифатида Луис Диасга бўлаётган катта босим ҳақида қандай фикрдасиз?– У бу жараённи Америка Кубоги ва саралаш босқичларида ҳам бошидан ўтказди. Қандайдир вақт у гол ура олмади ва бутун Колумбия хавотирга тушди. Лекин бу ўсиш жараёни. Унинг футболчи ва инсон сифатидаги етуклиги ҳар қандай босимдан устун бўлиши керак. Ўйлайманки, у ажойиб мундиал ўтказади.– Аеропортда ва кўчаларда бизни сариқ либосли мухлислар тўлқини кутиб олди. Уларнинг кўпчилиги шу ерга келиш учун йиллар давомида пул йиққан. Уларга қандай сўзларни айтган бўлардингиз?– Раҳмат, раҳмат, раҳмат! Уларга фақат миннатдорчилик билдириш керак. Уларнинг бераётган меҳри ва ишончи – бизнинг ҳам қалбимизда бор. Биз ҳам улар каби бу турнирдан умидвормиз.– Пеле ва Марадона Жаҳон кубогини кўтарган "Атстека" стадионининг тарихи барчага маълум. Инфантино ҳам уни "Жаҳон футболи собори" деб атади. Сиз ва футболчиларингиз учун ушбу афсонавий стадионда ўйнаш нимани англатади?– Бу ҳақиқатан ҳам афсонавий, достонларга айланадиган стадион. Бу майсазорда енг зўр Пеле ва енг зўр Марадонани кўрганмиз. Бу майдонга қадам қўйишнинг ўзи ўзгача ҳаяжон бахш етади. 1986 йилда мен Аргентина ёшлар жамоасида едим ва бу воқеаларни жуда яқиндан кузатганман. Ўшанда Диего ва менинг дўстларим ушбу стадионда нималар қилганини хотирлаш – ажойиб туйғу.– Статистикага кўра, ертага стадионда 65 минг нафар колумбиялик бўлиши кутиляпти. Бу ҳақда қандай фикрдасиз?– Биз терма жамоани қабул қилиб олганимиздан бери қаерга бормайлик, бизни сариқ тўлқин кузатиб юрибди. Буни футболчилар ўзларининг майдондаги ҳаракатлари билан юзага келтиришди. Мухлисларимиз бизга бераётган барча меҳрни биз ҳам ёрқин ғалабалар ва қувончли дамлар билан қайтаришга умид қиламиз.– Илтимос, яна Ўзбекистон ҳақида тўхталиб ўтсангиз. Бу жамоанинг ўйин услуби қандай ва уларнинг Колумбия учун енг хавфли жиҳатлари нималардан иборат?– Бу жамоа қуйи блокда учта ёки бешта ҳимоячи билан ҳимояланади. Улар иккита марказий ярим ҳимоячи, иккита вингер ва рақиб дарвозасига орқа ўгириб, тўпни яхши қабул қилиб оладиган битта соф "тўққизлик" билан ҳаракат қилади. Улар қарши ҳужумга жуда яхши ўтадилар ва стандарт вазиятлардан унумли фойдаланишади. Шу сабабли бу – жуда тартибли ва еҳтиёт бўлиш керак бўлган жамоа. Уларнинг ўз ўйин услуби аниқ. Бунга қарши туришнинг йўли – тўп назоратини қўлга олиш, бўшлиқларни топиш, чизиқлар орасини ёриб ўтиш. Ертанги ўйинда биздан катта сабр ва ҳужумларни якунлашда жуда катта тажовузкорлик талаб етилади.– Мундиал бошида енг кўп муҳокамаларга сабаб бўлаётган мавзулардан бири – сув ичиш танаффуси (кулинг-брейк). Бунинг жамоага таъсири ҳақида фикрингиз қандай?– Ҳарорат 30–35 даражага кўтарилганда, бундай танаффус керак. Футболчилар сув ичиб, ўйинга қайтишлари учун бу тўғри қарор. Аммо танаффус 3–5 дақиқага чўзилиб кетса, у ўзининг асл моҳиятини йўқотади. Еътибор берсам, олдинлари танаффус вақтида камералар мураббийнинг қандай кўрсатма бераётганини кўрсатарди, ҳозир еса ҳаммаси тижорат рекламаларига айланиб кетган. Бу футболчиларнинг соғлиғи учун қилинмоқдами ёки бошқа мақсад борми? Ўзимизга шу саволни бериб кўришимиз керак.– Колумбияда баландлик масаласига кўп еътибор берилади. Жамоанинг денгиз сатҳидан 2200 метр баландликдаги шароитга мослашуви қандай кечди?– Биз Боготада ҳам шуғулландик. Кейин Сан-Диегода денгиз сатҳида бўлдик. Ўйлайманки, жамоамизнинг мослашиш жараёни яхши кечди ва ертага жисмоний муаммолар бўлмайди.– АҚШ термасининг муваффақиятидан сўнг мураббий Почеттино уларнинг енг асосий ютуғи сифатида захирадан тушганларнинг ўйинни худди асосий таркибдаги интенсивликда давом еттира олганини айтди. Сиз ҳам бунга қандай еришмоқчисиз?– Футболчиларга доимий равишда буни уқтириб келамиз. Барча йигитларимиз жуда яхши ҳолатда, уларнинг даражаси тенг. Захирадан майдонга тушган ўйинчи ёки муаммони ҳал қилиши, ёки хатони тўғирлаши, ёки ўзидан олдин тўп тепган ўйинчининг ишини давом еттириши керак. Ўртоқлик ўйинларида кўплаб ўзгаришлар қилганимиз туфайли, баъзан темп тушиб кетганини кўрдик. Аммо бу футболчиларнинг ёмон ўйнаганидан емас, балки бир нечта алмаштиришлар туфайли тактик чизманинг бироз бузилганидан далолат беради.– Сиз учун бу бешинчи Жаҳон чемпионати. 1990 йил Германияга қарши финалда бой берилган имкониятни енди ҳаёт сизга қайтаради деб ўйлайсизми?– Бу ўтиб кетди. Ҳар бир турнир – янги чақириқ, янги саҳнадир. Умид қиламанки, Худо менга жаҳон чемпиони бўлишни насиб етади – бу қанчалик тезроқ содир бўлса, шунча яхши.– Таркиб чақирувида Жон Кордобанинг ҳолати кўпчиликни ўйлантирганди. У ертанги ўйинга тайёрми ёки уни кейинги Конго билан ўйинга асраб қўясизми? Умуман, барча 26 нафар футболчининг соғлиғи қандай?– Барча 26 нафар ўйинчининг соғлиғи жуда яхши ҳолатда. Кордоба аллақачон футбол ўйнашни бошлади ва машғулотларга қўшилди, у тўлиқ тайёр. Тўғри, у қолганлар билан ўртоқлик ўйинларида қатнашмади ва еҳтимол футбол амалиёти жиҳатидан бироз ортда қолгандир, аммо у майдонга тушишга мутлақо тайёр.– Бу сиз учун илк мундиал дебюти емас, футболчи сифатида 1990 йилда қатнашгансиз. Футболчи сифатида майдонга тушиш ва мураббий сифатида четдан бошқариш ўртасида қандай фарқ бор? Футболчилардаги ҳаяжонни қандай босасиз?– Руҳий тайёргарлик узоқ вақтдан бери олиб борилмоқда. Футболчилар ижтимоий тармоқларга ёки ўйин олди майда чалғитувчи нарсаларга берилиб кетмаслиги керак – максимал контсентратсия талаб қилинади. Фарққа келадиган бўлсак, футболчи майдонда бор кучини ишга солиб, натижага тўғридан-тўғри таъсир кўрсатади ва шунинг ўзи унга кифоя. Мураббий еса ўйинчиларнинг ҳаракатига ва ўзи тузган тактик режанинг ишлаш-ишламаслигига кўпроқ қарам бўлади. Очиғи, ўйнашни кўпроқ ёқтирардим, чунки у ерда ҳаммаси кўпроқ ўзимга боғлиқ еди. Манба: чампионат.асиа