Гвардиоланинг «Евертон» билан ўйиндаги баҳсли вазиятга муносабати: «Бу менинг ишим емас» (+Видео)

«Манчестер Сити» бош мураббийи Пеп Гвардиола Жереми Доку ва Майкл Кин иштирокидаги баҳсли вазият ҳақида ўз фикрини билдирди. АПЛнинг 35-тури доирасида «шаҳарликлар» сафарда «Евертон» билан дуранг ўйнашди (3:3). Учрашувнинг 45-дақиқасида мезбонлар ҳимоячиси Кин меҳмонлар вингери Докунинг оёғига орқадан зарба берди. Белгиялик футболчи майдонга йиқилиб, оёғи ва юзини ушлаганча бир неча дақиқа ётиб қолди. ВАР ушбу вазиятни қизил карточка еҳтимоли бўйича кўриб чиқди, бироқ якунда бош ҳакам Майкл Оливер «Евертон» ўйинчисига сариқ карточка кўрсатиш билан чекланди. — Киннинг ишлатган фоли (подкати) ҳақида нима дея оласиз? — (Бир неча бор йелка қисиб) Нима ҳам дердим? Сариқ карточка. Доку 50 сонияга сафдан чиқди ва қайтишни кутди. — Сизнингча, бу вазиятда қизил карточка берилиши керакмиди? — Бу менинг ишим емас, — деди Гвардиола.