Бобур Абдураҳмонов: "Йигитларимиз жуда бўш ҳаракат қилишди"

Ўйиндан кейин "Пахтакор фарм" бош мураббийи Бобур Абдураҳмонов матбуот анжуманида иштирок етди.- Ўйин ҳақида фикрингиз?- Йигитларимиз жуда бўш ҳаракат қилишди. Аввалги ўйиндан кейин айтгандим, етти нафар футболчини ўринбосарлар таркибига берганмиз. Шунингдек икки футболчимизда жароҳат бор, шу боис иккинчи таркиб билан ўйнадик. Мавсум бошидан бери деярли иккинчи таркиб билан ўйнаб келяпмиз, чунки асосий ўйинчиларни "Пахтакор" У-21 жамоасига бердик. Шунга яраша натижалар ҳам яхши бўлмаяпти деган фикрдаман.- Жамоангиз олдига "Пахтакор" бош жамоаси томонидан қандай мақсад қўйилган?- Мақсад - фунболчи етказиб бериш. Айтиб ўтганимдек, етти нафар ўйинчимизни ўринбосаларга бердик. Агар шу футболчилар келажакда яхши ўйнаб кетса, бу ҳам бизнинг ютуғимиз бўлади. Ҳозирги таркибдан ҳам футболчи чиқаришга ҳаракат қиляпмиз. Бунинг учун Пролига баҳслари биз учун яхши мактаб бўляпти. Манба: чампионат.асиа