Бернарду - «Ман Сити» сафида АПЛда 300 та ўйин ўтказган иккинчи футболчи

Бернарду Силва АПЛ доирасидаги ўзининг 300-учрашувини ўтказди. Португалиялик ярим ҳимоячи Англия чемпионатининг 35-туридан ўрин олган «Евертон»га қарши баҳсда «Манчестер Сити»нинг асосий таркибидан жой олди. Силва «шаҳарликлар» либосида Премйер-лигада 300 та ўйин ўтказган тарихдаги иккинчи футболчига айланди. Бу борада фақат Давид Силва ундан олдинда бормоқда — испаниялик афсона ҳисобида 309 та учрашув мавжуд.