"Paxtakor"ning safardagi magʻlubiyatsiz seriyasi davom etadimi?

"Paxtakor" joriy mavsum Superligada safar maqomida 6 ta uchrashuv oʻtkazib, hali biror marta ham magʻlubiyat alamlarini totib koʻrgani yoʻq. Toshkentliklar ushbu oʻyinlarda deyarli maksimal ochko toʻplashdi — yagona durang "Surxon"ga qarshi bahsda qayd etildi (1:1).

Ma'lumot uchun: "Paxtakor" Superliga doirasida soʻnggi bor safarda magʻlub boʻlganiga ham bir yildan oshdi. Jamoa 2025 yilning 3 may kuni Termizda "Surxon"ga taslim boʻlgan edi. Shundan beri "sherlar" mehmondagi bahslarda magʻlubiyat nimaligini bilmay kelishmoqda.

Bugun "Andijon" mehmoni boʻladigan "Paxtakor" oʻz an'anasini davom ettiradimi?

Manba: championat.asia