Muhammad Salohning ehtimoliy yangi klubi ma'lum boʻldi

Bu haqda turkiyalik jurnalist Kaya Temel xabar berdi.

Manbaning ma'lumotlariga koʻra, tomonlar oʻrtasida boʻlajak kelishuvning moliyaviy shartlari boʻyicha hali ham jiddiy kelishmovchiliklar mavjud, biroq muzokaralar davom etmoqda.

Qayd etilishicha, misrlik futbolchining agenti Istanbulga etib kelgan va u erda potentsial transferni muhokama qilish uchun "Beshiktosh" vakillari bilan shaxsan uchrashuv oʻtkazishi mumkin.

Saloh "Liverpul" tarkibida toʻqqiz mavsumni oʻtkazdi va jamoa bilan birga Chempionlar ligasi, APL, Angliya kubogi va UEFA Superkubogida gʻolib chiqdi. Yakunlangan mavsumda misrlik futbolchi 41 ta oʻyinda maydonga tushib, 12 ta gol urdi va 10 ta golli uzatmani amalga oshirdi. Transfermarkt portali 34 yoshli Salohni 22 million evroga baholamoqda. Muhammad yaqinda erkin agentga aylangan edi.

Manba: championat.asia