Kafu: «Braziliya JCHda doim favorit bo‘lib qolaveradi»

Braziliya terma jamoasining sobiq himoyachisi Kafu bo‘lajak Jahon chempionatining favoritlari haqida fikr yuritdi.

«Argentina hamon juda raqobatbardosh jamoa bo‘lib turibdi, Fransiya barcha chiziqlarda ajoyib mahoratga ega, shuningdek, Ispaniya, Angliya va Germaniya kabi jamoalar ham yetakchiga aylanishi mumkin. Ammo, gap Jahon chempionati haqida ketganda, Braziliyani doimo favoritlardan biri deb hisoblash kerak.

Karlo Anchelottining terma jamoa bosh murabbiyi sifatidagi faoliyatini kuzatish men uchun juda qiziq. Biz futbol tarixidagi eng muvaffaqiyatli va hurmatga sazovor murabbiylardan biri haqida gapiryapmiz. Uning xalqaro tajribasi, yulduz futbolchilarni boshqara olish qobiliyati va vazminligi so‘nggi yillarda iste’dodini namoyish etayotgan, ammo tez-tez hal qiluvchi detallar yetishmayotgan terma jamoamiz uchun eng muhim fazilatlarga aylanishi mumkin. Anchelotti — xotirjamlik va yetakchilikning timsolidir.

Braziliya futbolimizga xos bo‘lgan ijodkorlikni qurbon qilmagan holda, o‘ziga bo‘lgan ishonch va o‘zligini qayta tiklashi kerak. Bizda Yevropada allaqachon eng yuqori darajada o‘zini ko‘rsatib ulgurgan juda iste’dodli yosh futbolchilar bor. Agar biz to‘g‘ri jamoaviy ruhni shakllantira olsak, haqiqatan ham eng qiyin raqiblardan biriga aylanishimiz mumkin», — dedi Kafu.

Manba: stadion.uz