«Inter» sport direktori Ibragimovichning «Milan»dagi faoliyati haqida fikr bildirdi

Milanning «Inter» klubi sport direktori Pyero Auzilio «Milan» prezidenti Paolo Skaronining maslahatchisi, sobiq futbolchi Zlatan Ibragimovichning faoliyatiga to‘xtalib o‘tdi.

«Jamoaning bir qismi bo‘lish — doimiy ravishda eng turli xil vaziyatlarga duch kelishni anglatadi. Men «Milan»ning ichki ishlariga aralashmaslikni afzal ko‘raman, ammo bir muhim jihatni ta’kidlashim mumkin. Yuqori darajada o‘ynash tajribasi ma’lum bir ustunlik beradi, chunki siz ichki muhitni ichkaridan tushunasiz. Biroq, bu murabbiylik yoki sport direktori lavozimida muvaffaqiyat qozonishni kafolatlamaydi. Buning uchun jiddiy ta’lim olish, bilimlarni doimiy ravishda yangilab borish, chuqur tahlil va hamkasblar hamda futbolchilar bilan tinimsiz muloqot zarur», — dedi Auzilio Supernova nashriga bergan intervyusida.

Eslatib o‘tamiz, Ibragimovich 2023 yilning dekabr oyidan buyon Italiyaning «Milan» klubiga egalik qiluvchi Amerikaning «RedBird» investisiya kompaniyasida katta maslahatchi lavozimida ishlab kelmoqda.

Manba: stadion.uz