Belgiya terma jamoasi sardori MYuga oʻtmoqda - Romano

Tomonlar transfer boʻyicha oʻzaro kelishib boʻlishgan, deya xabar bermoqda insayder Fabritsio Romano oʻzining ijtimoiy tarmoqlarida.

Manbaning ma'lum qilishicha, Tilemans yaqin vaqt ichida "Manchester Yunayted" safiga borib qoʻshilishi kerak.

Bundan avvalroq boshqa OAVlar "MYu" Tilemans uchun taxminan 41 million evro toʻlashi haqida xabar tarqatgan edi.

Yakunlangan 2025/2026 yilgi mavsumda Tilemans barcha musobaqalarda 34 ta oʻyinda maydonga tushib, ikkita gol urdi va ettita golli uzatmani amalga oshirdi. Yuri Belgiya terma jamoasining 2026 yilgi jahon chempionatidagi etakchilaridan biri boʻldi va unda milliy jamoa chorak final bosqichiga qadar etib bordi.

Manba: championat.asia