Anri "Arsenal"ning PSJga qarshi EChL finalidagi imkoniyatlari haqida gapirdi

Final oʻyini 30 may kuni Budapeshtda boʻlib oʻtadi.

"Finalga chiqqanimizdan juda xursandman. Ularga qarshi nima qilishimizni koʻramiz, chunki bu juda kuchli jamoa. Men PSJni magʻlub etishimizga umid qilaman, lekin bu juda qiyin boʻladi.

Men tabassum bilan uygʻondim, chunki soʻnggi marta finalga 20 yil avval chiqqan edik. Biz APLda gʻalaba qozonish uchun kurashyapmiz, 22 yildan beri uni yuta olmayapmiz.

Odatda men ortiqcha asabiylashmayman, lekin bu final oldidan hayajonlanishimga ishonaman, chunki ular men oʻzim qila olmagan ishni qilishlari mumkin. Siz oʻz jamoangiz gʻalaba qozonishini xohlaysiz, buni his qilishni istaysiz. Umid qilamanki, shunday boʻladi. Lekin PSJ qanday oʻynayotganini koʻring — ular sizni turli yoʻllar bilan "oʻldirishi" mumkin.

Ularda hamma narsa bor, lekin "Arsenal" bardamlik koʻrsatadi va vaziyat yaratganimizda gol uramiz. Bu qiyin boʻladi, lekin koʻramiz", — dedi Anri Metro nashriga.

Manba: championat.asia